అమెరికాలోని టెక్సాస్ లో ఘోర రోడ్డు ప్రమాదం జరిగింది. ఈ రోడ్డు ప్రమాదంలో ముగ్గురు తెలుగు వారు దుర్మరణం పాలయ్యారు. తానా బోర్డు డైరెక్టర్ డాక్టర్ కొడాలి నాగేంద్ర శ్రీనివాస్ భార్య, ఇద్దరు కుమార్తెలు ఈ ప్రమాదంలో చనిపోయారు. శ్రీనివాస్ భార్య వాణి కాలేజీ నుంచి కుమార్తెలను తీసుకురావడానికి కారులో వెళ్లారు. తిరుగు ప్రయాణంలో టెక్సాస్ లో వారు ప్రయాణిస్తున్న కారును ఓ వ్యాను బలంగా ఢీకొట్టింది. దీంతో ఇద్దరు అక్కడికక్కడే ప్రాణాలు కోల్పోయారు. మరొకరు ఆస్పత్రిలో చికిత్స పొందుతూ మరణించారు. వీరిది కృష్ణా జిల్లా పామర్రు మండలం. కొన్నేళ్ల క్రితమే వీరి కుటుంబం ఉద్యోగ రీత్యా హ్యూస్టన్ లో స్థిరపడింది.
