తెలంగాణ అమెరికన్ తెలుగు అసోసియేషన్ ఆధ్వర్యంలో అక్టోబర్ 1వ తేదీన పవిత్రమైన నవరాత్రి సీజన్లో చికాగోలోని పాలటైన్, ఫాల్కన్ పార్క్ రిక్రియేషన్ సెంటర్లో ఘనంగా బతుకమ్మ పండుగను నిర్వహించింది. పూల పండుగ బతుకమ్మను తెలుగు మహిళలు సంప్రదాయబద్ధంగా, ధూంధాంగా నిర్వహించారు. మంచి ఆరోగ్యం, సంతోషం కోసం బతుకమ్మను స్తుతిస్తూ జానపద పాటలు పాడుతూ నృత్యాలు చేశారు. ఈ వేడుకలకు వచ్చిన వారందరూ ఎంతో సంతోషంగా గడిపారు. కార్యక్రమం ముగింపులో బతుకమ్మ ఆశీర్వాదం పొందారు. అలాగే ఈ ఉత్సవాల సందర్భంగా రుచికరమైన తెలుగింటి భోజనాలను ఏర్పాటు చేశారు. ఈ కార్యక్రమంలో తెలంగాణ, ఆంధ్రా ప్రాంతాలకు చెందిన దాదాపు 500 మందికి పైగా తెలుగువారు పాల్గొన్నారు.
ఈ బతుకమ్మ పండుగను టీటీఏ ప్రెసిడెంట్ హేమచంద్ర వీరపల్లి ఘనంగా నిర్వహించారు. టీటీఏ సభ్యులు రామకృష్ణ కొర్రపోలు, హేమంత్ పప్పు, శ్రీనాధ్ వాసిరెడ్డి, ప్రసాద్ మరువాడ, దిలీప్ రాయపూడి, మధు ఆరంబాకం ఆయనకు సహాయ సహకారాలు అందించారు. ఈ కార్యక్రమం విజయవంతం కావడంలో సోమలత, శృతి, శిల్ప, రమేష్, రామాదేవి, రాధికా, సందీప్, లీల ప్రసాద్, నవీన్ కుమార్ ఎంతగానో శ్రమించారు. అలాగే తానా, IAGC సభ్యులు కూడా పాల్గొన్నారు.
