తిరుమల శ్రీ వేంకటేశ్వర స్వామి బ్రహ్మోత్సవాల లిస్ట్ ను టీటీడీ ఈవో ధర్మారెడ్డి రిలీజ్ చేశారు. ఈ నెల 26 నుంచి అక్టోబర్ 5 వరకూ తిరుమలలో శ్రీవారి వార్షిక బ్రహ్మోత్సవాలు జరుగుతాయని ప్రకటించారు. ఈ నెల 20 న శ్రీవారి ఆలయంలో కోయిల్ ఆళ్వార్ తిరుమంజనం నిర్వహిస్తారు. ఉదయం 6 నుంచి 11 గంటల వరకూ ఇది జరుగుతుంది. 26 న రాత్రి 7 నుంచి 9 గంటల వరకూ బ్రహ్మోత్సవాల అంకురార్పణ జరుగుతుందని ప్రకటించారు. సెప్టెంబరు 27న సాయంత్రం 5.45 నుండి 6.15 గంటల మ‌ధ్య మీన ల‌గ్నంలో ధ్వజారోహణం జరుగనుంది. బ్రహ్మోత్సవాల్లో ప్ర‌ధానంగా అక్టోబరు 1న గరుడవాహనం, అక్టోబరు 2న స్వర్ణరథం, అక్టోబరు 4న రథోత్సవం, అక్టోబరు 5న చక్రస్నానం జరుగనున్నాయి.
సెప్టెంబరు 27న మొద‌టి రోజు సాయంత్రం 5.45 నుండి 6.15 గంటల వ‌ర‌కు ధ్వజారోహణం ఉంటుంది. రాత్రి 9 నుండి 11 గంటల వ‌ర‌కు పెద్ద శేష వాహనం జరుగనుంది. సెప్టెంబరు 28న రెండో రోజు ఉదయం 8 నుండి 10 గంటల వ‌ర‌కు చిన్నశేష వాహనం, మధ్యాహ్నం 1 నుండి 3 గంటల వ‌ర‌కు స్నపన తిరుమంజనం, రాత్రి 7 నుండి 9 గంటల వ‌ర‌కు హంస వాహనం జరుగనుంది.
సెప్టెంబర్ 29న మూడో రోజు ఉదయం 8 నుండి 10 గంటల వ‌ర‌కు సింహ వాహనం, రాత్రి 7 నుండి 9 గంటల వ‌ర‌కు ముత్యపు పందిరి వాహనం జరుగనుంది. సెప్టెంబర్ 30న నాలుగో రోజు ఉదయం 8 నుండి 10 గంటల వ‌ర‌కు కల్పవృక్ష వాహనం, రాత్రి 7 నుండి 9 గంటల వ‌ర‌కు సర్వభూపాల వాహనం ఉంటుంది. అక్టోబర్ 1న ఐదో రోజు ఉదయం 8 నుండి 10 గంటల వ‌ర‌కు మోహినీ అవతారం, రాత్రి 7 నుండి గరుడ వాహనం జరుగనుంది.
అక్టోబర్ 2న ఆరో రోజు ఉదయం 8 నుండి 10 గంటల వ‌ర‌కు హనుమంత వాహనం, సాయంత్రం 4 నుండి 5 గంటల వ‌ర‌కు ర‌థ‌రంగ డోలోత్సవం(స్వ‌ర్ణ రథం), రాత్రి 7 నుండి 9 గంటల వ‌ర‌కు గజ వాహనం జరుగనుంది. అక్టోబర్ 3న ఏడో రోజు ఉదయం 8 నుండి 10 గంటల వ‌ర‌కు సూర్యప్రభ వాహనం, మధ్యాహ్నం 1 నుండి 3 గంటల వ‌ర‌కు స్నపన తిరుమంజనం, రాత్రి 7 నుండి 9 గంటల వ‌ర‌కు చంద్రప్రభ వాహనం ఉంటుంది.
అక్టోబర్ 4న ఎనిమిదో రోజు ఉదయం 7 గంటలకు రథోత్సవం (చెక్క రథం), రాత్రి 7 నుండి 9 గంటల వ‌ర‌కు అశ్వ వాహనం జరుగనుంది. అక్టోబర్ 5న తొమ్మిదో రోజు ఉదయం 6 నుండి 9 గంటల వ‌ర‌కు చక్రస్నానం, రాత్రి 9 నుండి 10 గంటల వ‌ర‌కు ధ్వజావరోహణం ఉంటుంది.
