చిత్తూరు జిల్లా గంగాధర నెల్లూరు పోలీస్ స్టేషన్ లో అర్ధరాత్రి ఒక్క సారిగా భారీగా పేలుడు సంభవించింది. దీంతో ఒక్కసారిగా అందరూ ఉలిక్కిపడ్డారు. అయితే.. 2018 లో సీజ్ చేసిన నీలిమందు పేలడంతోనే ఈ ఘటన జరిగిందని చివరికి అధికారులు నిర్ధారణకు వచ్చారు. నిజానికి కొంత సేపు జిలెటిన్ స్టిక్స్ పేలిపోవడం వల్లే ఈ పేలుడు సంభవించిందని అనుకున్నారు. చివరికి నల్లమందు అని తేలింది. మరోవైపు ఈ పేలుడు ధాటికి పోలీస్ స్టేషన్ అద్దాలు, తలుపులు, కిటికీలు ధ్వంసం అయ్యాయి. వీటితో పాటు వివిధ కేసుల్లో స్వాధీనం చేసుకున్న బైక్ లు కూడా ధ్వంసం అయ్యాయి. ఈ ఘటనలో విధుల్లో వున్న ఏఎస్సై సహా మరికొందరికి గాయాలయ్యాయి.
