సౌతిండియా యంగ్ క్రేజీ హీరోల్లో విశాల్ ఒక‌రు. ముఖ్యంగా త‌మిళం, తెలుగు భాష‌ల్లో స్టార్ యాక్షన్ హీరోగా పేరు తెచ్చుకున్న విశాల్ సినిమాలు.. అన్ని వ‌ర్గాల ప్రేక్ష‌కుల‌కు న‌చ్చుతాయి. సమాజంలో ఉన్న సమస్యలపై సినిమాలు తీసే విశాల్.. తన ప్రతీ సినిమాను తెలుగులో విడుదల చేస్తుంటాడు. ఈ క్రమంలో తన అప్‌క‌మింగ్ మూవీని ఒక నూతన ద‌ర్శ‌కుడి అవ‌కాశం ఇవ్వ‌బోతున్న విష‌యం సౌతిండియా ఇండ‌స్ట్రీలో హాట్ టాపిక్‌గా మారింది.
ముంబా దేవి ఫిల్మ్ ప్రొడక్షన్ బ్యాన‌ర్‌పై ‘కిస్మత్ 2025’ అనే వర్కింగ్ టైటిల్‌లో విశాల్ ప్ర‌ధాన పాత్ర‌లో సినిమా చేయ‌బోతున్నాడు. నూతన దర్శకుడు రవి రోహిత్ ఈ ప్రాజెక్టును తెర‌కెక్కించ‌నున్నాడు. ఈ సినిమాలో విశాల్‌కు జంట‌గా హీరోయిన్ కోమల్ స్వర్ణాకర్ న‌టించ‌బోతున్న‌ట్టు తెలుస్తోంది. ముంబైలో ఇంజినీరింగ్ పూర్తి చేసిన కోమల్ స్వర్ణకర్ తెలుగు చిత్ర పరిశ్రమలోకి అడుగుపెడుతోంది.
ప్రస్తుత సామాజిక, జాతీయ భద్రతా సమస్యలపై రూపుదిద్దుకోబోతున్న యాక్షన్ థ్రిల్లర్ ఇది. ఈ సినిమాలో విశాల్ పాత్ర ప‌వ‌ర్‌ఫుల్‌గా ఉండ‌బోతోంద‌ని తెలుస్తోంది. ఈ సినిమాకు సంబంధించి పూర్తి వివ‌రాలు అతి త్వ‌ర‌లోనే విశాల్ ప్ర‌క‌టించ‌బోతున్న‌ట్టు స‌మాచారం.
