పాన్ ఇండియా స్టార్ ప్ర‌భాస్ హీరోగా నాగ్ అశ్విన్ ద‌ర్శ‌క‌త్వంలో వ‌స్తోన్న సినిమా క‌ల్కి 2898ఏడీ. ఈ సినిమాను వైజయంతి మూవీస్ సంస్థ రూ.500 కోట్ల భారీ బ‌డ్జెట్ తో నిర్మించింది. ఇప్ప‌టికే భారీ అంచ‌నాలున్న ఈ సినిమా ప్ర‌మోష‌న్స్ ఓ రేంజ్ లో జ‌రుగుతున్నాయి. జూన్ 27న క‌ల్కి ప్ర‌పంచ వ్యాప్తంగా భారీ స్థాయిలో థియేట‌ర్ల‌లోకి రానుంది.
ఇదిలా ఉంటే ఈ సినిమా క‌లెక్ష‌న్స్ ప్ర‌భాస్ స్టామినాను మ‌రోసారి నిరూపిస్తాయ‌ని అంద‌రూ అంటున్నారు. ముఖ్యంగా క‌ల్కి ఫ‌స్ట్ డే కు పెద్ద టార్గెటే పెట్టుకున్న‌ట్లు తెలుస్తోంది. క‌ల్కి కోసం సౌత్ ఆడియ‌న్స్ తో పాటూ నార్త్ ఆడియ‌న్స్ కూడా ఎంతో ఆస‌క్తిగా వెయిట్ చేస్తున్నారు. పాన్ వ‌ర‌ల్డ్ స్థాయిలో రిలీజ్ అవుతున్న ఈ సినిమా ఫ‌స్ట్ డే క‌లెక్ష‌న్ల గురించి ఇప్పుడు చ‌ర్చ మొద‌లైంది.
క‌ల్కి సినిమా ఇప్ప‌టివ‌ర‌కు ఫ‌స్ట్ డే వ‌చ్చిన హ‌య్యెస్ట్ క‌లెక్ష‌న్స్ ను ఈజీగా దాటేస్తుంద‌ని, సినిమా ఆశించిన స్థాయిలో ఉంటే ఫ‌స్ట్ డే మొద‌లైన రికార్డులు సినిమా ఫుల్ ర‌న్ వ‌ర‌కు ఉంటాయంటున్నారు. ఓవ‌ర్సీస్ లో ఇంట‌ర్నేష‌న‌ల్ సినిమా రేంజ్ లో క‌ల్కిని భారీగా రిలీజ్ చేస్తున్నారు. ఈ సినిమా ఆడియ‌న్స్ ను అన్నివిధాలా స‌ర్‌ప్రైజ్ చేస్తుంద‌ని, త‌ప్ప‌కుండా క‌ల్కి ఆడియ‌న్స్ అంచ‌నాల‌ను అందుకుంటుంద‌ని చిత్ర వ‌ర్గాలు ధీమా వ్య‌క్తం చేస్తున్నాయి. జూన్ 4 ఎల‌క్ష‌న్స్ రిజ‌ల్ట్స్ వ‌చ్చాక హ‌డావిడి త‌గ్గుతుంది కాబ‌ట్టి అప్ప‌టినుంచి క‌ల్కి కి పూర్తి స్థాయి ప్ర‌మోష‌న్స్ ను మొద‌లుపెట్ట‌నుంది చిత్ర యూనిట్.
