గ్రహణం కారణంగా రెండు రోజుల పాటు శ్రీవారి ఆలయం మూసివేత..

ఈ నెల 25 న సూర్య గ్రహణం, నవంబర్ 8 న చంద్రగ్రహణం కారణంగా ఆ రెండు రోజుల్లో 12 గంటల పాటు తిరుమల శ్రీవారి ఆలయ తలుపులు మూసేస్తున్నామని అధికారులు ప్రటకించారు. 25 న సాయంత్రం 5.11 నుంచి 6.27 వరకు సూర్యగ్రహణం వుంటుంది. అందుకే ఉదయం 8.11 నుంచి రాత్రి 7.30 గంటల వరకు ఆలయం తలుపులు మూసేస్తారు. అలాగే నవంబర్ 8 న మధ్యాహ్నం 2.39 నుంచి సాయంత్రం 6.27 వరకు చంద్రగ్రహణం వున్న కారణంగా ఉదయం 8.40 నుంచి రాత్రి 7.20 వరకు శ్రీవారి ఆలయం మూసి వుంచుతామని అధికారులు ప్రకటించారు. గ్రహణాల ోజుల్లో బ్రేక్, ప్రత్యేక దర్శనాలు, ఆర్జిత సేవలు రద్దు చేశామని, కేవలం సర్వదర్శనం భక్తులకు మాత్రమే స్వామి వారి దర్శనం వుంటుందని టీటీడీ పేర్కొంది.