టీడీపీ అధినేత చంద్రబాబు 73 వ జన్మదిన వేడుకలను పార్టీ శ్రేణులు రాష్ట్ర వ్యాప్తంగా జరుపుకుంటున్నారు. ఇందులో భాగంగా మంగళగిరిలోని టీడీపీ ప్రధాన కార్యాలయంలో పలువురు నేతలు చంద్రబాబు జన్మదిన వేడుకలు నిర్వహించారు. పార్టీ రాష్ట్ర అధ్యక్షుడు అచ్చెన్నాయుడు, వర్ల రామయ్య, టీడీ జనార్దన్, పట్టాభి, జలీల్ ఖాన్ తదితరులు ఈ వేడుకల్లో పాల్గొన్నారు. ఈ సందర్భంగా 73 కిలోల కేక్ ను అచ్చెన్నాయుడు, నేతలు కలిసి కట్ చేశారు. చంద్రబాబు మళ్లీ ముఖ్యమంత్రి కావాలని, ఏపీని డెవలప్ చేయాలని వారు ఆకాంక్షించారు. మరోవైపు ఏపీలోని అన్ని జిల్లాల పార్టీ కార్యాలయాల్లో నేతలు కూడా చంద్రబాబు జన్మదినోత్సవాన్ని జరుపుకుంటున్నారు.
I know how passionate you are to transform the lives of Telugu people and leave an everlasting legacy. May all your wishes come true Nana! Happy Birthday!#HBDTeluguPrideBabu pic.twitter.com/3fWPFWFTsy
— Lokesh Nara (@naralokesh) April 20, 2023
మరోవైపు టీడీపీ నేత నారా లోకేష్ తన తండ్రి టీడీపీ అధినేత చంద్రబాబుకి ట్విటర్ వేదికగా పుట్టినరోజు శుభాకాంక్షలు తెలిపారు. ఆయన కోరికలన్నీ నెరవేరాలని నారా లోకేష్ కోరారు. ‘‘తెలుగు ప్రజల జీవితాలను మార్చి వారికి ఒక మంచి జీవితాన్ని శాశ్వత వారసత్వంగా ఇచ్చేందుకు మీరు ఎంత తపన పడుతున్నారో నాకు తెలుసు. మీ కోరికలన్నీ తీరాలి నాన్నా! పుట్టినరోజు శుభాకాంక్షలు!’’ అని లోకేష్ ట్వీట్ చేశారు.
