ఎన్టీఆర్, నందమూరి అభిమానులు ఎంతో ఆత్రుతగా ఎదిరిచూస్తున్న సినిమా ఎన్టీఆర్ 30. ‘ఆర్‌ఆర్‌ఆర్‌’ వంటి ఇండస్ట్రీ హిట్‌ తర్వాత తారక్‌ చేస్తున్న సినిమా కావడంతో ప్రతీ ఒక్కరిలోనూ తీవ్ర ఆసక్తి నెలకొంది.రెండు వారాల క్రితం షూటింగ్ మొదలు పెట్టిన ఈ సినిమా ఫస్ట్ షెడ్యూల్‌ను పూర్తి చేసుకుంది. ఈ షెడ్యూల్‌లో తారక్‌తో భారీ ఎపిసోడ్‌ను చిత్రీకరించారట. ఈ నేపథ్యంలో ఈ సినిమా షూటింగ్‌లో సైఫ్‌ అలీఖాన్‌ జాయిన్ అయ్యాడు.
ఈ సినిమాలో సైఫ్‌ ప్రతినాయకుడి పాత్ర పోషిస్తున్నాడు. నేషనల్‌ అవార్డు విన్నింగ్‌ నటుడు హై ఓల్టేజ్‌ యాక్షన్‌ డ్రామా షూటింగ్‌లో జాయిన్ అయ్యాడు అంటూ సైఫ్‌తో తారక్‌, కొరటాల శివ కలిసి ఉన్న ఫోటోలు షేర్‌ చేశారు. ప్రస్తుతం ఈ ఫోటోలు నెట్టింట తెగ వైరల్‌ అవుతున్నాయి. సముద్రం నేపథ్యంలో తెరకెక్కుతున్న ఈ సినిమాకు అనిరుధ్ రవిచంద్రన్‌ స్వరాలు సమకూర్చుతున్నాడు. ఎన్టీఆర్‌కు జోడీగా జాన్వీకపూర్‌ నటిస్తుంది.
