బ్రిటన్ ప్రధాని భారతీయులకు గుడ్ న్యూస్ చెప్పారు. భారత యువ నిపుణులకు ఏటా 3000 వీసాలు అందించేలా సరికొత్త వీసా పథకానికి ఆమోదం తెలిపారు. ప్రధాని మోదీతో భేటీ అయిన తర్వాత ఈ పరిణామం జరిగింది. జీ 20 సదస్సు వేదికగా ప్రధాని మోదీ బ్రిటన్ ప్రధాని రిషితో భేటీ అయ్యారు. ఈ పథకంలో లబ్ధి పొందే మొదటి వీసా నేషనల్ కంట్రీ భారత దేశమేనని తెలిపింది. గత ఏడాది ఇరు దేశాల మధ్య కుదిరిన యూకే-ఇండియా మైగ్రేషన్ అండ్ మొబిలిటీ పార్టనర్షిప్ క్రింద ఈ పథకాన్ని రూపొందించారు. యూకే ఇండియా యువ నిపుణుల వీసా పథకాన్ని తాము ప్రకటిస్తున్నామని ప్రధాని కార్యాలయం పేర్కొంది. ఈ పథకం కింద భారత్ కి చెందిన డిగ్రీ పూర్తి చేసిన వారికి ఏటా 3 వేల వీసాలు అందజేస్తామని, వారు యూకేకి వచ్చి 2 సంవత్సరాల వరకు చదువుకోవడం, ఉద్యోగం చేసేకునే వీలుంటుందని ప్రకటించింది.
ఇరు దేశాల మధ్య ఈ నిర్ణయం సంబంధాలను మరింత బలోపేతం చేస్తుందని ఆశాభావం వ్యక్తం చేసింది. ఇరు దేశాల మధ్య ద్వైపాక్షిక సంబంధాలను, రెండు ఆర్థిక వ్యవస్థలను బలోపేతం చేయడానికి, ఇండో పసిపిక్ ప్రాంతంలో బలమైన బంధాలను ఏర్పర్చుకోవడానికి ఈ పథకం ఉపయోగకారి అని బ్రిటన్ పీఎంవో పేర్కొంది. రిషి బ్రిటన్ ప్రధాన మంత్రి పదవీ బాధ్యతలను చేపట్టిన తర్వాత మోదీతో భేటీ కావడం ఇదే తొలిసారి. ప్రస్తుతం బ్రిటన్, భారత్ మధ్య వ్యాపార ఒప్పందం కోసం చర్చలు జరుగుతున్నాయి. ఈ ఒప్పందం కుదిరితే ఓ యూరోపియన్ దేశంతో భారత్ ఇటువంటి ఒప్పందం కుదుర్చుకోవడం ఇదే మొదటిసారి అవుతుంది.
