మెగా ప‌వ‌ర్‌స్టార్ రామ్ చరణ్ హీరోగా న‌టిస్తోన్న లేటెస్ట్ మూవీ RC 15. స్టార్ డైరెక్టర్ శంకర్ తెర‌కెక్కిస్తోన్న సినిమా కావ‌టంతో దీనిపై భారీ ఎక్స్‌పెక్టేష‌న్స్ ఉన్నాయి. శంకర్ అంటేనే భారీ భారీ సెట్టింగులకు రూపశిల్పి అన్న పేరు మోశారు. ఇప్ప‌టికే రాజ‌మండ్రి ప‌రిస‌ర ప్రాంతాల్లో షూటింగ్ ఆయ‌న రీసెంట్‌గా చార్మినార్‌లో కొన్ని స‌న్నివేశాల‌ను షూట్ చేశారు. రెండు రోజుల ముందు క‌ర్నూలులోని కొండా రెడ్డి బూరుజు ద‌గ్గ‌ర కొన్ని కీల‌క స‌న్నివేశాల‌ను చిత్రీక‌రించారు. తాజాగా… ఇప్పుడు ఈ సినిమా చిత్రీకరణ వైజాగ్ కి చేరుకుంది.
రామ్ చరణ్, శంకర్ సహా టెక్నీషియ‌న్స్ అంద‌రూ విశాఖ‌లోని గీతం యూనివ‌ర్సిటీలో సంద‌డి చేస్తున్నారు. ఓ భారీ సెట్ వేసి, సినిమా సాంగ్ షూటింగ్ చేస్తున్నారు. అయితే… ఫైట్లను కూడా ఇక్కడే చేస్తారని అంటున్నారు. కానీ… చిత్ర యూనిట్ మాత్రం క్లారిటీ ఇవ్వలేదు. ఈ సినిమాలో మునుపెన్నడూ చూడని విధంగా ఓ భారీ యాక్షన్ ఎపిసోడ్ చూడబోతున్నామట. చిత్ర క్లైమాక్స్ పార్ట్‌లో వచ్చే ఈ ఎపిసోడ్ కోసం శంకర్ ఓ రేంజ్ ప్లాన్స్ చేసినట్లు తెలుస్తోంది. ఈ సీక్వెన్స్ 20 నిమిషాలు పాటు ఉండనుందని, ఇందుకోసం ఏకంగా 20 కోట్లు కేటాయించారని తెలుస్తోంది.
