ఎన్ఐఏ తన దర్యాప్తులో పెద్ద విషయాన్నే నిగ్గు తేల్చేసింది. ప్రధాని నరేంద్ర మోదీని హత్య చేసేందుకు పీఎఫ్ఐ కుట్ర పన్నిందన్న విషయాన్ని ఎన్ఐఏ తన దర్యాప్తుల్లో బయట పెట్టింది. ఈ యేడాది జూలైలో ప్రధాని నరేంద్ర మోదీ పాట్నాలో పర్యటించారు. ఈ పర్యటనలోనే ప్రధాని మోదీని హత్య చేసేందుకు పీఎఫ్ఐ ప్రయత్నం చేసిందని, అయితే.. ఆ సంస్థ విఫలమైందని ఎన్ఐఏ పేర్కొంది. ప్రధానిపై దాడి చేసేందుకు ప్రత్యేకంగా పీఎఫ్ఐ కొందరికి శిక్షణ కూడా ఇచ్చిందని పేర్కొంది. ఇక… ప్రధాని మోదీతో పాటు యూపీలోని పలువురు ప్రముఖలను హత మార్చేందుకు మారణాయుధాలను కూడా సమకూర్చుకుందని ఎన్ఐఏ తన దర్యాప్తులో పేర్కొంది. ఇక… మోదీని హత మార్చేందుకు పురమాయించిన వ్యక్తుల అంకౌట్లలోకి పీఎఫ్ఐ 120 కోట్లను కూడా డిపాజిట్ చేసినట్లు తెలుస్తోంది.
ఇక…. ఈ సంచలన విషయం బయటపడటంతో ఎన్ఐఏ మరింత అప్రమత్తమైంది. పీఎఫ్ఐ ఉగ్రవాద కార్యకలాపాలపై మరింత ద్రుష్టి పెట్టింది. వారి కార్యకలాపాలపై దర్యాప్తును మరింత ముమ్మరం చేసింది. ఇప్పటికే రెండు రోజుల క్రితం దేశ వ్యాప్తంగా 15 రాష్ట్రాల్లో పీఎఫ్ఐ కార్యాలయాలపై ఎన్ఐఏ దాడులు చేసింది. 106 మందిని అరెస్ట్ చేసింది. వీరందరు కూడా ఉగ్రవాద సంస్థలకు టెర్రర్ ఫండింగ్ చేస్తున్నారని, ఎన్ఐఏ గుర్తించింది.
