పార్లమెంట్ బడ్జెట్ సమావేశాలు జనవరి 31 నుంచి ప్రారంభమై ఏప్రిల్ 6 వరకు కొనసాగుతాయని కేంద్ర పార్లమెంటరీ వ్యవహారాల మంత్రి ప్రహ్లాద్ జోషి ప్రకటించారు. కాగా రాష్ట్రపతి ద్రౌపది ముర్ము ఉభయ సభలను(లోక్‌సభ, రాజ్యసభ ) ఉద్దేశించి ప్రసంగించిన తర్వాత పార్లమెంటు బడ్జెట్ సమావేశాలు మొదలవుతాయి. ఫిబ్రవరి 14 నుండి మార్చి 12 వరకు విరామంతో 66 రోజుల పాటు 27 సమావేశాలు ఉంటాయి. సమావేశం ప్రకారం ఫిబ్రవరి 1న కేంద్ర బడ్జెట్ను ప్రవేశపెట్టే అవకాశం ఉంది. పార్లమెంటు బడ్జెట్ సెషన్, 2023 జనవరి 31 నుండి ప్రారంభమై ఏప్రిల్ 6 వరకు 66 రోజుల పాటు సాధారణ విరామంతో 27 సమావేశాలతో కొనసాగుతుంది.
రాష్ట్రపతి ప్రసంగం, కేంద్ర బడ్జెట్, ఇతర అంశాలపై ధన్యవాద తీర్మానంపై చర్చల కోసం అమ్సత్ కాల్ ఎదురు చూస్తున్నాను అని జోషి చెప్పారు. 2023 బడ్జెట్ సెషన్ సమయంలో, డిపార్ట్‌మెంట్ సంబంధిత పార్లమెంటరీ స్టాండింగ్ కమిటీలు గ్రాంట్స్ కోసం డిమాండ్‌లను పరిశీలించడానికి, వారి మంత్రిత్వ శాఖలు/డిపార్ట్‌మెంట్లకు సంబంధించిన నివేదికలను రూపొందించడానికి వీలుగా ఫిబ్రవరి 14 నుండి మార్చి 12 వరకు విరామం ఉంటుందని ఆయన చెప్పారు. అయితే ఈ పార్లమెంటు బడ్జెట్ సమావేశాలు కొత్త పార్లమెంటు భవనంలో మొదలవుతాయా లేక పాత పార్లమెంటు భవనంలోనే జరుగుతాయా అన్నది స్పష్టం కాలేదు.
