ఎన్టీఆర్-నీల్ మూవీ టైటిల్‌కు ఊహించ‌ని చిక్కు

ప్ర‌స్తుతం కొర‌టాల శివ‌తో దేవ‌ర సినిమాను ముగించి, వార్2 షూటింగ్ లో పాల్గొంటున్న ఎన్టీఆర్, ప్ర‌శాంత్ నీల్ ద‌ర్శ‌క‌త్వంలో ఓ సినిమా చేయ‌నున్న విషయం తెలిసిందే. ఇంకా సెట్స్ పైకి వెళ్ల‌ని ఈ పాన్ ఇండియా సినిమాకు డ్రాగ‌న్ అనే టైటిల్ ను ప‌రిశీలిస్తున్న‌ట్లు వ‌స్తున్న వార్త‌లు ఫ్యాన్స్ కు ఫుల్ జోష్ ఇస్తున్నాయి. ఇది నిజ‌మో కాదో తెలియదు కానీ ఈ టైటిల్ మాత్రం ఎన్టీఆర్ ఇమేజ్ కు బాగా సూట‌వుతుంద‌ని అంద‌రూ అభిప్రాయ‌ప‌డుతున్నారు. https://cinemaabazar.com/

మైత్రీ మూవీ మేక‌ర్స్ భారీ బ‌డ్జెట్ తో నిర్మించ‌నున్న ఈ సినిమాకు సంబంధించిన స్క్రిప్ట్ ఇప్ప‌టికే రెడీ అయింది కానీ ఇంకా క్యాస్టింగ్ ఫైన‌ల్ కావాల్సి ఉంది. ఇక అస‌లు విష‌యానికొస్తే, డ్రాగ‌న్ అనే టైటిల్ చెప్పుకోవ‌డానికి బానే ఉంది కానీ ఈ టైటిల్ వెనుక ఓ ట్విస్ట్ ఉంది. కొన్నాళ్ల కింద‌టే తెలుగు, త‌మిళంలో డ్రాగ‌న్ అనే ఓ సినిమా స్టార్ట్ అయింది. https://cinemaabazar.com/

అశ్వ‌త్ మారిముత్తు ద‌ర్శ‌క‌త్వంలో ల‌వ్ టుడే ఫేమ్ ప్ర‌దీప్ హీరోగా తెర‌కెక్కుతున్న సినిమాకు డ్రాగ‌న్ అనే టైటిల్‌ను ఫిక్స్ చేశారు. షూటింగ్ స‌గానికి పైగా పూర్తైంది. అఫీషీయల్ గా టైటిల్ ను చెప్పేశారు కాబ‌ట్టి ఇప్ప‌టికే ఆ పేరును రిజిస్ట‌ర్ చేసి ఉండొచ్చు. తెలుగు లో చేసుకున్నారో లేదో తెలియ‌దు. ఒక‌వేళ చేయ‌క‌పోయినా త‌మిళ‌నాడు, కేర‌ళ లో డ్రాగ‌న్ గానే ఆ సినిమా రిలీజ్ కానుంది. కాబ‌ట్టి ప్ర‌శాంత్ నీల్ ఇదే టైటిల్ ను అనుకుంటే మాత్రం వీలైనంత త్వ‌ర‌గా ఆ చిక్కును తొల‌గించుకోవాల్సి ఉంటుంది.