స్టార్ హీరోయిన్ నయనతార తల్లయ్యారు. నయనతార-విఘ్నేష్ శివన్ దంపతులకు కవల పిల్లలు జన్మించారు. ఇద్దరూ మగపిల్లలే. తమ పిల్లల కాళ్లను ముద్దాడుతున్న ఫొటోలను విఘ్నేష్ శివన్ సోషల్ మీడియా ద్వారా పంచుకున్నారు. ఈ ఫొటోలు చూసిన నయనతార అభిమానులు, నెటిజన్లు ఆశ్చర్యపోతున్నారు. ఇదెక్కడి విడ్డూరం అంటూ రకరకాల కామెంట్లు పెడుతున్నారు. కానీ ఇది నిజం. ఇప్పుడు నయనతార, విఘ్నేష్ శివన్ అమ్మానాన్నలు అయ్యారు. వారికి ఇద్దరు మగ పిల్లలు జన్మించారుస్టార్ హీరోయిన్ నయనతార తల్లయ్యారు. విఘ్నేష్ శివన్, నయనతార జంట మగ కవల పిల్లలకు అమ్మానాన్నలుగా మారారు. వినడానికి కాస్త వింతగా ఉన్నా ఇది నిజం. నయనతార కడుపుతో ఉన్నట్టు వార్తలు రాలేదు.. నిన్నకాక మొన్నే ఆమెను ‘గాడ్ ఫాదర్’లో చూశాం.. ఇంతలోనే తల్లెలా అయ్యిందబ్బా అని ఆశ్చర్యపోతున్నారా!. నిజానికి నయనతార గర్భం దాల్చలేదు. ఆమెను స్వయంగా పిల్లల్ని కనలేదు. కానీ, ఆమె మాత్రం తల్లయ్యారు. ఇప్పటికే అర్థమై ఉంటుంది.. ఆమె సరోగసీ పద్ధతిలో తల్లయ్యారు. ఈ విషయాన్ని బయటికి వెల్లడించకపోయినా అర్థమైపోతుంది.తాము కవల పిల్లలకు తల్లిదండ్రులమైనట్టు విఘ్నేష్ శివన్ సోషల్ మీడియా వేదికగా ప్రకటించారు. చిన్నారుల పాదాలను నయనతార, తాను ముద్దాడుతున్న ఫొటోలను సైతం పోస్ట్ చేశారు. ‘‘నయన్, నేను అమ్మ, నాన్న అయ్యాం. మాకు కవల మగ బిడ్డలు జన్మించారు. మా ప్రార్థనలు, మా పూర్వీకుల ఆశీర్వాదాలతో మంచినంతా కలుపుకుని ఇద్దరు బిడ్డలు మాకు కలిగారు. వారికి మీ ఆశీస్సులు కావాలి’’ అని విఘ్నేష్ శివన్ తన ట్వీట్‌లో పేర్కొన్నారు. కవలలకు ఉయిర్, ఉలగం అని పేర్లు కూడా పెట్టారు.2015లో వచ్చిన ‘నానుం రౌడ్ ధాన్’ సినిమా సెట్స్‌లో తొలిసారి కలుసుకున్న నయనతార, విఘ్నేశ్ శివన్.. కొంతకాలానికే ప్రేమలో పడ్డారు. చాలా కాలం పాటు డేటింగ్ చేసిన వీరిద్దరూ.. ఆ తరవాత లివ్ ఇన్ రిలేషన్‌షిప్ మెయింటైన్ చేశారు. 2017లో ఓ అవార్డ్ షోలో తొలిసారి జంటగా కనిపించి రూమర్లకు, ఊహాగానాలకు చెక్ పెట్టారు. ఈ ఏడాది జూన్ 9న వివాహ బంధంతో ఒక్కటయ్యారు. వీరి వివాహ వేడుకకు రజినీకాంత్, మణిరత్నం, షారుఖ్ ఖాన్, సూర్య, విజయ్ సేతుపతి, డైరెక్టర్ అట్లీ లాంటి స్టార్లు ఎంతో మంది హాజరయ్యారు. పెళ్లి జరిగి ఏడాది పూర్తికాక ముందే సరోగసీ ద్వారా వీరిద్దరూ తల్లిదండ్రులు కూడా అయిపోయారు. ఇనయనతార తాజాగా మెగాస్టార్ చిరంజీవి హీరోగా వచ్చిన ‘గాడ్ ఫాదర్’లో నటించారు. సత్యప్రియా రెడ్డిగా తన విలక్షణ నటనను చూపించారు.
https://twitter.com/VigneshShivN/status/1579094363095052288
