సినీ ప‌రిశ్ర‌మ‌లో కొన్ని కాంబోలు ఇంట్రెస్టింగ్ గా ఉంటాయి. డైరెక్ట‌ర్- హీరో కాంబో కంటే హీరో హీరోయిన్ కాంబో చాలా క్రేజీగా ఉంటుంది. అలాంటి ఒక కాంబినేష‌నే అజిత్- న‌య‌న‌తార‌ది. వారిద్ద‌రూ క‌లిసి ఇప్ప‌టికే నాలుగు సినిమాలు చేశారు. వాటిలో బిల్లా, విశ్వాసం సినిమాలు సూప‌ర్ హిట్లుగా నిలిచాయి. మిగిలిన రెండూ ఫ్లాపుల‌య్యాయి. ఆ త‌ర్వాత మ‌ళ్లీ వారి కాంబోలో సినిమా వ‌చ్చింది లేదు.
ఈ నేప‌థ్యంలో వీరిద్ద‌రూ క‌లిసి మ‌రోసారి స్క్రీన్ షేర్ చేసుకునే అవ‌కాశాలున్న‌ట్లు తెలుస్తోంది. అజిత్ హీరోగా అధిక్ ర‌విచంద్ర‌న్ ద‌ర్శ‌క‌త్వంలో గుడ్ బ్యాడ్ అగ్లీ సినిమా చేస్తున్న విష‌యం తెలిసిందే. భారీ యాక్ష‌న్ ఎంటర్టైన‌ర్ గా రూపొందుతున్న ఈ సినిమా కోసం ఆ కాంబోను ట్రై చేస్తున్న‌ట్లు స‌మాచారం. మైత్రీ మూవీ మేక‌ర్స్ నిర్మిస్తోన్న ఈ సినిమా ప్ర‌స్తుతం సెట్స్ పై ఉంది.
ఇప్ప‌టివ‌ర‌కు ఈ సినిమాలో హీరోయిన్ గురించి ప్ర‌స్తావ‌న రాలేదు. ఈ నేప‌థ్యంలో డైరెక్ట‌ర్ అధిక్, న‌య‌న‌తార‌తో సంప్ర‌దింపులు జ‌రుపుతున్న‌ట్లు తెలుస్తోంది. త‌ను రాసుకున్న పాత్ర‌కు నయ‌న‌తార అయితే స‌రిగ్గా స‌రిపోతుంద‌ని డైరెక్ట ఆమెకే ట‌చ్ లోకి వెళ్లాడ‌ట డైరెక్ట‌ర్. న‌య‌న్ ఈ ప్రాజెక్టులోకి ఎంట‌రైతే గుడ్ బ్యాడ్ అగ్లీ మ‌రింత క్రేజీ ప్రాజెక్టుగా మారడం ఖాయం. అజిత్, న‌య‌న్ క‌లిసి మ‌రో సినిమా చేస్తే చూడాల‌ని ఫ్యాన్స్ ఎంతో ఆస‌క్తిక‌రంగా వెయిట్ చేస్తున్నారు.
