తెలుగు ప్రేక్షకులను సీతారామం చిత్రంతో అలరించిన ఉత్తరాది నటి మృణాల్ ఠాకూర్, ఆ తరువాత నాని సరసన “హాయ్ నాన్న” చిత్రంలో నటించి తెలుగు అభిమానులను మరింత ఆకర్షించారు. ఆ తరువాత విజయ్ దేవరకొండతో కలిసి “ఫ్యామిలీ స్టార్” లో నటించి అగ్ర హీరోయిన్ ట్యాగ్‌ను సంపాదించారు. ఈ సినిమా 2024 ఏప్రిల్ 5న దిల్ రాజు బ్యానర్‌లో విడుదలైంది, కానీ ఆశించిన స్థాయిలో కమర్షియల్ హిట్ కాలేదు. అయితే, విజయ్, మృణాల్ నటనకు మంచి పేరు తెచ్చిపెట్టింది.
“ఫ్యామిలీ స్టార్” విడుదలకు ముందు విజయ్ మరియు మృణాల్ కలిసి దీపావళి సెలబ్రేషన్స్‌లో టపాసులు కాలుస్తున్న ఫోటో ఒకటి సోషల్ మీడియాలో విడుదలైంది, ఇది ప్రేక్షకులను బాగా ఆకట్టుకుంది. అయితే, రీసెంట్‌గా సౌకీన్ అనే వ్యక్తి ఈ ఫోటోను ఎడిట్ చేసి, విజయ్ స్థానంలో తనను ఉంచి, దీపావళి ఎడిట్‌గా ఇన్‌స్టాగ్రామ్‌లో పోస్ట్ చేసాడు. దీనిపై మృణాల్ తన అసహనాన్ని వ్యక్తం చేస్తూ, “బ్రదర్, మీరు మీకు తప్పుడు భరోసా ఎందుకు ఇస్తున్నారు? మీరు చేసిన పని మీకు బాగుందనిపిస్తున్నదేమో, కాని అది అసలు బాగోలేదు” అంటూ ట్వీట్ చేశారు. నెటిజన్లు కూడా మృణాల్‌కు మద్దతు తెలుపుతూ, ఆ వ్యక్తి తీరుపై విమర్శలు చేశారు.
ప్రస్తుతం మృణాల్ పూజా మేరీ జాన్, హై జవానీ ఇష్క్ తో హౌనా హై, సన్ ఆఫ్ సర్దార్ 2, తుమ్ హి హో వంటి క్రేజీ ప్రాజెక్ట్స్‌లో నటిస్తున్నారు.
