ఏపీలో మళ్లీ ఐటీ రైడ్స్ ప్రారంభమయ్యాయి. తాజాగా వైసీపీ యువనేత, విజయవాడ తూర్పు నియోజకవర్గం ఇన్ ఛార్జీ దేవినేని అవినాశ్ ఇంట్లో ఐటీ సోదాలు జరుగుతున్నాయి. నేటి ఉదయం 6:30 నిమిషాల నుంచి ఈ సోదాలు ప్రారంభమయ్యాయి. మొత్తం 5 బృందాలుగా అధికారులు విడిపోయి. ఈ సోదాలు నిర్వహిస్తున్నారు. అలాగే వంశీరామ్ బిల్డర్స్ చైర్మన్ జనార్దన్ రెడ్డి ఇంట్లో కూడా సోదాలు జరుగుతున్నాయి. హైదరాబాద్, విజయవాడ, నెల్లూరులోనూ ఈ సంస్థకు చెందిన డైరెక్టర్లు, పెట్టుబడిదారుల కార్యాలయాల్లో ఐటీ సోదాలు నిర్వహిస్తోంది. ఇలా ఏపీలో మొత్తం 15 చోట్ల ఐటీ రైడ్స్ జరుగుతున్నాయి. కొన్ని రోజుల క్రితమే ప్రైవేట్ ఆస్పత్రుల్లో ఐటీ రైడ్స్ జరిగాయి.
