ఐపీఎల్ 2023 లో భాగంగా బెంగళూరు వేదికగా జరిగిన రాయల్ ఛాలెంజర్స్- లక్నో సూపర్ జెయింట్ మధ్య జరిగిన మ్యాచ్ లో లక్నో సూపర్ జెయింట్స్ వరుసగా రెండో విజయాన్ని సాధించింది. బెంగుళూరు రాయల్స్ ఛాలెంజర్స్ తో ఉత్కంఠగా జరిగిన మ్యాచ్ లో లక్నో…1 వికెట్ తేడాతో విజయం సాధించింది. 213 పరుగుల టార్గెట్ ను లక్నో సరిగ్గా 20 ఓవర్లలో ఛేదించింది. 213 పరుగుల టార్గెట్ తో బరిలోకి దిగిన లక్నో సూపర్ జెయింట్స్ ..ఆరంభంలోనే వికెట్ కోల్పోయింది. కేవలం 1 పరుగు వద్ద కైల్ మేయర్స్ పెవలియన్ చేరాడు. ఆ తర్వాత 23 పరుగుల వద్ద లక్నో వరుసగా వికెట్లు కోల్పోయింది. దీపక్ హుడా, కృనాల్ పాండ్యాలు ఔటయ్యారు. ఇక్కడి నుంచే లక్నో కష్టాల్లో ఇరుక్కుపోయింది.
213 పరుగుల ఛేదనలో లక్నోకి ఫస్ట్‌లోనే షాక్ తగిలింది. ఫామ్‌లో ఉన్న ఓపెనర్ కైల్ మేయర్స్ (0) డకౌటయ్యాడు. కెప్టెన్ కేఎల్ రాహుల్ (18: 20 బంతుల్లో 1×4), దీపక్ హుడా (9), కృనాల్ పాండ్య (0) తక్కువ స్కోరుకే ఔటైపోయారు. దాంతో బెంగళూరు చేతుల్లోకి మ్యాచ్ వెళ్లిపోయినట్లు కనిపించింది. కానీ.. నెం.5లో బ్యాటింగ్‌కి వచ్చిన మార్కస్ స్టాయినిస్ (65: 30 బంతుల్లో 6×4, 5×6) భారీ షాట్లు ఆడేసి లక్నో గెలుపునకి బాటలు వేయగా.. నెం.6లో వచ్చిన నికోలస్ పూరన్ కూడా విధ్వంసం సృష్టించేశాడు. కేవలం 15 బంతుల్లోనే 50 పరుగుల మార్క్‌ని అందుకున్న పూరన్ టీమ్ స్కోరు 189 వద్ద సిక్స్ కొట్టే ప్రయత్నంలో ఔటైపోయాడు.
19వ ఓవర్ నుంచి యంగ్ హిట్టర్ ఆయుష్ బదోని (30: 24 బంతుల్లో 4×4) గెలిపించే బాధ్యత తీసుకుని ఒక చూడచక్కని బౌండరీ కొట్టాడు. ఆ తర్వాత బంతికి సిక్స్ కొట్టినా.. బ్యాట్‌పై నియంత్రణ కోల్పోయి వికెట్లని తాకించేశాడు. దాంతో బంతి సిక్స్‌గా వెళ్లినా.. బదోని పెవిలియన్‌కి వెళ్లాల్సి వచ్చింది. ఇక ఇక్కడి నుంచి మ్యాచ్‌లో ఉత్కంఠ రేగింది. లాస్ట్ ఓవర్‌లో లక్నో విజయానికి 7 పరుగులు అవసరం అవగా.. తొలి బంతికి ఉనద్కత్ సింగిల్ తీశాడు. కానీ.. తర్వాత బాల్‌కి మార్క్‌వుడ్ (0) బౌల్డయ్యాడు. మూడో బంతికి రవి బిష్ణోయ్ రెండు పరుగులు, నాలుగో బంతికి సింగిల్ తీసి స్కోరుని సమం చేశాడు. అయితే.. ఐదో బంతికి జయదేవ్ ఉనద్కత్ (9) ఔటైపోవడంతో లాస్ట్ బాల్‌కి ఒక పరుగు చేయాల్సి వచ్చింది.
కోహ్లీ ఔటయ్యాక క్రీజులోకి వచ్చిన మాక్స్ వెల్..తన విశ్వరూపాన్ని ప్రదర్శించాడు. సిక్సులతో విరుచుకుపడ్డాడు. మాక్స్ వెల్ తో పాటు..డు ప్లెసిస్ సిక్సులు, ఫోర్లతో రెచ్చిపోయాడు. వీరిద్దరు పోటీ పడి మరీ పరుగులు సాధించడం విశేషం. ఇదే క్రమంలో మాక్స్ వెల్ 29 బంతుల్లో 3 ఫోర్లు, 6 సిక్సులతో 59 పరుగులు సాధించాడు. అటు డు ప్లెసిస్ 46 బంతుల్లో 5 ఫోర్లు, 5 సిక్సులతో 79 రన్స్ కొట్టాడు. చివర్లో మాక్స్ వెల్ ఔటయ్యాడు. లక్నో బౌలర్లలో మార్క్ వుడ్, అమిత్ మిశ్రా చెరో వికెట్ దక్కించుకున్నారు.
