తెలంగాణ రాష్ట్రంలో మరో భారీ ఉద్యోగ నోటిఫికేషన్కు రంగం సిద్ధమైంది. రాష్ట్ర ప్రభుత్వం నిరుద్యోగులకు ఖుషీ ఖబర్ అందించింది. గ్రూప్-4 పోస్టుల భర్తీకి సర్కార్ ఆమోదం తెలిపింది. 9168 పోస్టుల భర్తీకి శుక్రవారం అనుమతులు మంజూరీ చేసింది. ఈ పోస్టుల భర్తీకి ఆర్ధిక శాఖ ఆమోదం తెలిపినట్లుగా మంత్రి హరీష్రావు ప్రకటించారు. నిర్దేవిత ప్రకటించిన 9168 గ్రూప్-4 పోస్టులను టీఎస్పీఎస్సీ ద్వారా భర్తీ చేయనున్నారు. సీఎం కేసీఆర్ హామీకి అనుగుణంగా ఉద్యోగాలు భర్తీ చేయనున్నామని వైద్య, ఆరోగ్య శాఖ మంత్రి హరీష్రావు ప్రకటించారు. ఈ సందర్భంగా ఆశావహులకు ఆయన శుభాకాంక్షలు తెలిపారు.
ప్రభుత్వం 80039 ఉద్యోగాల భర్తీకి నిర్ణయించిన సంగతి తెలిసిందే. ఇందులో భాగంగా ఇప్పటికే 52వేల ఉద్యోగాల భర్తీకి అనుమతులను దశలవారీగా జారీ చేసింది. 18వేల కానిస్టేబుల్, ఎస్సై ఉద్యోగాలతోపాటు గ్రూప్-1 ప్రిలిమినరీ పరీక్ష ఇప్పటికే పూర్తయింది. మిగతా పోస్టుల భర్తీకి వీలుగా అన్ని సంబంధిత విభాగాలు ప్రతిపాదనలు సిద్దం చేస్తున్నాయి.
