హైదరాబాద్ లో మళ్లీ అగ్ని ప్రమాదం సంభవించింది. రామంతాపూర్ వద్ద ఈజీ ఫ్లైవుడ్ గోదాంలో భారీ అగ్నిప్రమాదం సంభవించింది. దీంతో పెద్ద ఎత్తున మంటలు చెలరేగాయి. శనివారం ఉదయం 7:30 గం.ల ప్రాంతంలో మంటలను గమనించిన సిబ్బంది వెంటనే అప్రమత్తమయ్యారు. అగ్నిమాపక సిబ్బందికి సమాచారం అందించారు. అగ్నిమాపక సిబ్బంది స్థలానికి చేరుకొని, చర్యలు చేపట్టింది. 3 ఫైరింజన్లను ఉపయోగించి మంటలను అదుపులోకి తెచ్చారు. దట్టంగా పొగ అలుముకోవడంతో స్థానికులు ఇబ్బందులకు గురైయ్యారు. షార్ట్ సర్యూట్ కారణంగానే ఈ ప్రమాదం జరిగినట్లు పోలీసులు అంచనా వేస్తున్నారు.