ఏపీలో ఈడీ సోదాలు జరుగుతున్నాయి. విజయవాడ ఎన్ఆర్ఐ మెడికల్ కాలేజీలో ఈడీ అధికారులు సోదాలు నిర్వహిస్తున్నారు. మెడికల్ కాలేజీకి చెందిన యాజమాన్యంతో పాటు డైరెక్టర్ల ఇళ్లల్లో సోదాలు కొనసాగుతున్నాయి. యాజమాన్య సీట్ల కేటాయింపులో అవకతవకలు జరిగినట్లు ఆరోపణలు రావడంతో ఈడీ సోదాలు చేస్తోంది. అలాగే విజయవాడలోని అక్కినేని ఉమెన్స్ కాలేజీలోనూ ఈడీ సోదాలు చేస్తోంది. తనిఖీల సమయంలో ఎవరూ లోపలికి వెళ్లకుండా అధికారులు అన్ని ఏర్పాట్లు చేశారు. దీనితో పాటు మరికొన్ని కాలేజీలపై కూడా ఈడీ సోదాలు చేస్తోంది.
