తెలంగాణ కాంగ్రెస్ లో దుమారం రేగడంతో అధిష్ఠానం దిగ్విజయ్ సింగ్ ని రంగంలోకి దించింది. ఈ నేపథ్యంలోనే దిగ్విజయ్ సింగ్ హైదరాబాద్ కి చేరుకున్నారు. బంజారాహిల్స్ లోని తాజ్ కృష్ణ లో బస చేశారు. శంషాబాద్ ఎయిర్ పోర్ట్ కు చేరుకున్న దిగ్విజయ్ సింగ్ కు పీసీసీ ప్రొటోకాల్ ఇన్ చార్జ్ హర్కర వేణుగోపాల్, వర్కింగ్ ప్రెసిడెంట్లు మహేశ్కుమార్ గౌడ్, అంజన్ కుమార్ యాదవ్ స్వాగతం పలికారు. దిగ్విజయ్ హోటల్కు రాగానే ఎంపీ కోమటిరెడ్డి వెంకట్రెడ్డి భేటీ అయ్యారు.
ఈ సందర్భంగా ఆయన పార్టీ పరిస్థితిని వివరించినట్లు తెలుస్తోంది. అదే విధంగా పీఏసీ ( పొలిటికల్ అఫైర్స్ కమిటీ ) మీటింగ్లో కూడా పాల్గొననున్నట్లు తెలుస్తోంది. సమావేశాలు ముగిసిన తర్వాత ఆయన మీడియాతో మాట్లాడుతారని పార్టీ నేతలు తెలిపారు. ఈ రోజు ఉదయం గాంధీభవన్ లోనే దిగ్విజయ్ సింగ్ ఉదయం 10 నుంచి సాయంత్రం 5 గంటల వరకూ వుండనున్నారు. అసంతృప్తులతో భేటీ అయి…. వారి ఇబ్బందులను తెలుసుకోనున్నారు.
