తాను రాజకీయాల్లో లేకున్నా… తన నుంచి రాజకీయాలు దూరంగా లేవని మెగాస్టార్ చిరంజీవి ప్రకటించిన ఒక్క రోజులోనే ఓ కీలక ఘట్టం జరిగింది. కాంగ్రెస్ అధిష్ఠానం ఆయనకు ఓ కొత్త హొదా కల్పించి, కొత్త ఐడీ కార్డును కూడా జారీ చేసింది. దీంతో ఆయన రాబోయే అధ్యక్ష ఎన్నికల్లో ఓటు హక్కును వినియోగించుకోవచ్చు. మెగాస్టార్ చిరంజీవిని పీసీసీ డెలిగేట్ గా నియమిస్తూ పార్టీ నిర్ణయం తీసుకుంది. పీసీసీ డెలిగేట్ పేరుతో ఓ ఐడీని కూడా జారీ చేశారు. 2027 వరకూ చిరంజీవి ఈ పదవిలో కొనసాగుతారు. అయితే ప్రస్తుతం చిరంజీవి కాంగ్రెస్ లో యాక్టివ్ గా లేరు. కేవలం సినిమా కేంద్రంగానే ముందుకు సాగుతున్నారు.
