ఆర్ఆర్ఆర్ సినిమాతో త‌న క్రేజ్ ను గ్లోబ‌ల్ లెవెల్ లో పెంచుకున్న రామ్ చరణ్ ప్ర‌స్తుతం శంక‌ర్ ద‌ర్శ‌క‌త్వంలో గేమ్ ఛేంజ‌ర్ చేస్తున్న విష‌యం తెలిసిందే. ఈ సినిమా పూర్త‌వ‌గానే చరణ్, బుచ్చిబాబు ద‌ర్శ‌క‌త్వంలో సినిమాను చేయ‌నున్నాడు. మైత్రీ మూవీ మేకర్స్ నిర్మించ‌నున్న ఈ సినిమా స్పోర్ట్స్ బ్యాక్ డ్రాప్ లో రాబోతుంది. జాన్వీ క‌పూర్ ఈ సినిమాలో హీరోయిన్ గా న‌టిస్తుండ‌గా, ఏఆర్ రెహమాన్ సంగీతం అందిస్తున్నాడు.
ఈ సినిమాతో బుచ్చిబాబు భారీ టార్గెట్ ను పెట్టుకున్న‌ట్లు తెలుస్తోంది. ఈ సినిమాలో చరణ్ న‌ట‌న నెక్ట్స్ లెవల్ లో ఉంటుంద‌ని టాక్. చరణ్ క్యారెక్ట‌రైజేష‌న్ కోసం బుచ్చిబాబు చాలా స్పెష‌ల్ కేర్ తీసుకుంటున్నాని తెలుస్తోంది. ఈ సినిమాతో చరణ్ మ‌రోసారి త‌న స‌త్తా చాటుకుంటాడ‌ని, ఈ పాత్ర‌ను బుచ్చిబాబు చాలా స్పెష‌ల్ గా ప్లాన్ చేసిన‌ట్లు తెలుస్తోంది.
చరణ్ కెరీర్లో 16వ సినిమాగా వ‌స్తున్న మూవీలో చరణ్ అవార్డ్ విన్నింగ్ పెర్ఫార్మెన్స్ చూస్తార‌ని యూనిట్ స‌భ్యులంటున్నారు. ఇప్ప‌టికే ఈ సినిమా విష‌యంలో అంచ‌నాలు ఓ రేంజ్ లో ఉన్నాయి. స్క్రిప్ట్ ద‌శ‌లోనే ఈ సినిమాపై అంద‌రికీ అంచ‌నాలు బాగా పెరిగాయి. పీరియాడిక‌ల్ క‌థ‌తో బుచ్చిబాబు ఈసారి మెగా ఫ్యాన్స్ కు ఫుల్ ట్రీట్ ఇవ్వ‌డం ఖాయ‌మ‌ని చెప్తున్నారు. నిర్మాత‌లు కూడా బ‌డ్జెట్ విష‌యంలో లిమిట్స్ పెట్ట‌కుండా ఫ్రీ హ్యాండ్ ఇచ్చిన‌ట్లు తెలుస్తోంది.
