బింబి సారా మూవీతో వశిష్ట క్రేజీ డైరెక్టర్లలో ఒకడిగా మారిపోయాడు. అతని నెక్ట్స్ ప్రాజెక్ట్ రామ్ చరణ్‌తో ఉండబోతున్నట్లు టాక్ వినిపిస్తోంది. ఇప్పటికే రామ్ చరణ్‌కి స్టోరీ లైన్ చెప్పగా.. అతనికి నచ్చినట్లు కూడా వార్తలు వస్తున్నాయి. కానీ? రామ్ చరణ్ నెక్ట్స్ ప్రాజెక్ట్ గురించి క్రేజీ అప్‌డేట్ వెలుగులోకి వచ్చింది. వశిష్ట దర్శకత్వంలో కళ్యాణ్ రామ్ హీరోగా నటించిన ‘బింబిసార’ మూవీ ఈ ఏడాది విడుదలై.. బ్లాక్ బాస్టర్‌ హిట్‌గా నిలిచింది. మూవీని వశిష్ట ట్యాకిల్ చేసిన తీరుపై పెద్ద ఎత్తున ప్రశంసలు లభించాయి. దాంతో టాలీవుడ్‌లోని క్రేజీ డైరెక్టర్ల జాబితాలో చేరిపోయిన వశిష్ట.. ఇటీవల రామ్ చరణ్‌కి ఓ స్టోరీ లైన్ చెప్పాడట. అది నచ్చడంతో పూర్తి స్క్రిప్ట్‌ని సిద్ధం చేయాలని సూచించినట్లు టాలీవుడ్‌లో టాక్ వినిపిస్తోంది. రామ్ చరణ్ ప్రస్తుతం శంకర్ దర్శకత్వంలో ‘ఆర్‌సీ15’ ప్రాజెక్ట్‌లో నటిస్తున్నాడు. ఈ మూవీ తర్వాత ఓ ఫాంటసీ డ్రామా చేయాలని భావిస్తున్నట్లు తెలుస్తోంది. దాంతో వశిష్ట చెప్పిన ఫాంటసీ డ్రామా లైన్ నచ్చడంతో గ్రీన్ సిగ్నల్ ఇచ్చినట్లు తెలుస్తోంది. వాస్తవానికి రామ్ చరణ్‌కి ఇటీవల ‘ఉప్పెన’ డైరెక్టర్ బుచ్చిబాబు కథ చెప్పాడు. అలానే సీనియర్ డైరెక్టర్ సుకుమార్ కూడా రామ్ చరణ్‌తో సినిమా కోసం స్టోరీని సిద్ధం చేసినట్లు వార్తలు వస్తున్నాయి. మరి ‘ఆర్‌సీ15’ తర్వాత రామ్ చరణ్ ఏ డైరెక్టర్‌కి ఛాన్స్ ఇస్తాడో చూడాలి. నిజానికి వశిష్టకి ‘బింబిసార’ ఫస్ట్ మూవీనే. మరోవైపు రామ్ చరణ్ ‘ఆర్ఆర్ఆర్’ సినిమాతో పాన్ ఇండియా హీరోగా ఎదిగిపోయాడు. ఈ నేపథ్యంలో ఇద్దరి మధ్య సినిమా అనగానే అందరూ ఆశ్చర్యపోతున్నారు. కానీ వశిష్ట డైరెక్షన్‌ రామ్ చరణ్‌కి బాగా నచ్చడంతో స్టోరీ లైన్‌ని వినడంతో పాటు స్ట్రిప్ట్‌ని సిద్ధం చేయమని చెప్పినట్లు తెలుస్తోంది.
