ఆస్ట్రేలియాలో మెల్బోర్న్ నగరం వేదికగా తటవర్తి గురుకులం ఆధ్వర్యంలో అవధానార్చన జరగనుంది. డిసెంబర్ 3 న భాషాభిమానుల ఆధ్వర్యంలో 56 వ అష్టావధానం జరగనుందని తటవర్తి గురుకులం ప్రకటించింది. ప్రపంచ వ్యాప్తంగా అనేక దేశాల ప్రుచ్ఛకులతో అష్టావధానాలు చేసిన తటవర్తి గురుకులం…మెల్బోర్న్ వేదికగా అవధానం నిర్వహిస్తోంది. ఇటువంటి ప్రత్యేకతలు కలిగిన ఈ కార్యక్రమానికి సంచాలకులుగా, ఆస్ట్రేలియాలో ప్రముఖ పద్యకవి డా.వేణుగోపాల్ రాజుపాలెం గారు వ్యవహరిస్తున్నారు.
పృచ్ఛకాంశాలైన సమస్యాపూరణం యామిని చతుర్వేదుల, దత్తపది మనోజ్ మోగంటి, వర్ణన అమరేందర్ అత్తాపురం, నిషిద్ధాక్షరి శ్రీనివాస్ బృందావనం, న్యస్తాక్షరి రాజశేఖర్ రావి, ఆశువు రంజిత ఓగిరాల, చిత్రానికి‌పద్యం అర్చన విస్సావజ్ఝుల, అప్రస్తుతం పల్లవి యలమంచిలి నిర్వహిస్తున్నారు. ఈ అవధానార్చనను ఆంధ్రప్రదేశ్ కొవ్వూరు‌లో లక్ష్మీనరసింహస్వామి ఆలయానికి అంకితంగా చేస్తున్నారు.
