గుడివాడ వైసీపీ ఎమ్మెల్యే కొడాలి నానిపై అరెస్ట్ వారెంట్ జారీ అయ్యింది. ఆయనపై వెంటనే అరెస్ట్ వారెంట్ జారీ చేయాలని ప్రజా ప్రతినిధుల కోర్టు పోలీసులను ఆదేశించింది. కొడాలి నానిపై జారీ చేసిన అరెస్ట్ వారెంట్ జనవరి 5 నుంచీ పెండింగ్ లోనే వుంది. దీనిపై కోర్టు పోలీసులపై ఆగ్రహం వ్యక్తం చేసింది. ప్రజాప్రతినిధుల కోర్టుకు హాజరైన గవర్నర్పేట సీఐ సురేష్ కుమార్ని న్యాయమూర్తి ప్రశ్నించారు. నానిపై అరెస్టు వారెంట్ పెండింగ్లో ఉందని, దాన్ని వెంటనే అమలు చేయాలని న్యాయమూర్తి స్థానిక సీఐని ఆదేశించింది.
పోలీసు ఉత్తర్వులు ఉల్లంఘించి 2016 మే 10న మాజీ మంత్రి కొలుసు పార్థసారథి, ఎమ్మెల్యే కొడాలి నాని, మరికొందరు నాయకులు ర్యాలీ చేపట్టారు. ట్రాఫిక్కు అంతరాయం కలిగించారనే కారణంగా వారిపై కేసులు నమోదయ్యాయి. తాజాగా ఈ కేసులో కొడాలి నాని కోర్టుకు హాజరుకాకపోవడంతో న్యాయస్థానం అరెస్టు వారెంట్ జారీ చేసింది.
