అగ్రరాజ్యం అమెరికా కీలక ప్రకటన చేసింది. భారతీయులకు బీ1, బీ2 వంటి సాధారణ వీసాల జారీ ప్రక్రియ పునర్‌ ప్రారంభమైన తరుణంలో ఇకపై ఇంటర్వ్యూలు లేకుండానే వీసాలు మంజూరు చేయాలని కాన్సులర్‌ అధికారులను విదేశాంగ శాఖ అదేశించింది. అయితే డిసెంబర్‌ 31 వరకు దరఖాస్తు చేసుకున్న నిర్దిష్ట కేటగిరీల దరఖాస్తుదారులకు మాత్రమే ఈ నిబంధన వర్తిస్తుందని పేర్కొంది. ఎఫ్‌, హెచ్‌`1, హెచ్‌`3, హెచ్‌`4, నాన్‌ బ్లాంకెట్‌ ఎల్‌.ఎం, పీ, క్యూ, అకాడమిక్‌ జే వీసాలకు ఈ కొత్త నిబంధన వర్తిస్తుందని అమెరికా విదేశాంగ శాఖ పేర్కొంది. వీసా గడువు ముగిసిన తర్వాత 48 నెలల లోపు రెనివల్‌ చేయించుకునే వారికి కూడా ఇంటర్వ్యూ నుంచి మినహాయింపు ఇవ్వన్నుట్లు వెల్లడిరచింది. ఇంటర్వ్యూల నుంచి మినహాయింపు ఇచ్చినప్పటికీ నాన్‌ఇమిగ్రాంట్‌ వీసా అపాయింట్‌మెంట్ల వెయిటింగ్‌ పీరియడ్‌ మాత్రం ఎక్కువ కాలం ఉండనుంది. కానీ గతంలో వీసాలు తిరస్కరణకు గురైన వారికి ఇది వర్తించదని స్పష్టం చేసింది.
