డీజే టిల్లులో సిద్దు జొన్న‌ల‌గ‌డ్డ స‌ర‌సన రాధిక పాత్ర‌లో నేహా శెట్టి అల‌రించిన తీరుకి అంద‌రూ ఫిదా అయ్యారు. ఆ పాత్ర‌లో నేహాశెట్టి త‌న అందం, అభిన‌యంతో త‌న‌దైన శైలిలో మెప్పించింది. ఆ సినిమా రిలీజై రెండేళ్ల‌వుతున్నా రాధిక క్యారెక్ట‌ర్ కు ఉన్న క్రేజ్ మాత్రం అస‌లు త‌గ్గ‌లేదు. ఆ త‌ర్వాత టిల్లూ స్వ్కేర్ లో కూడా నేహా శెట్టి సంద‌డి చేసింది. టిల్లూ స్వ్కేర్ లో నేహా క‌నిపించింది కొన్ని నిమిషాలే అయినా ఆ కాసేపు ఆడియ‌న్స్ తో విజిల్స్ వేయించింది. ఇదిలా ఉంటే ఇప్పుడు టిల్లూ స్వ్కేర్ కు సీక్వెల్ గా టిల్యూ క్యూబ్ ను అనౌన్స్ చేసిన విష‌యం తెలిసిందే. ప్ర‌స్తుతం ఈ సినిమా స్క్రిప్ట్ వ‌ర్క్ వేగంగా జ‌రుగుతుంది. అయితే మొద‌టి రెండు పార్టుల్లో అల‌రించిన నేహా శెట్టి, టిల్లూ క్యూబ్ లో ఉంటుందా అనేది ఇప్పుడు ఇంట్రెస్టింగ్ గా మారింది.
ఈ విష‌య‌మై నేహా శెట్టి రీసెంట్ గా ఓ ఇంట‌ర్వ్యూలో స్పందించింది. టిల్లూ స్వ్కేర్ లో రాధిక బెంగుళూరు వెళ్లిన‌ట్లు చూపించారు అక్క‌డ‌కు వెళ్లాక ఆమె వేరే పెళ్లి చేసుకుంటుందా లేదా మ‌ళ్లీ వ‌స్తుందా అనేది చెప్ప‌లేమ‌ని, రాధిక రోల్ ను మేక‌ర్స్ ఇంకా కంటిన్యూ చేయాల‌నుకుంటే చేస్తార‌ని చెప్పింది నేహాశెట్టి. దీంతో టిల్లూ క్యూబ్ లో కూడా నేహా ఉంటుంద‌ని నెటిజ‌న్లు కామెంట్స్ చేస్తున్నారు.
