టాలీవుడ్ యంగ్ హీరో మాస్ కా దాస్ విశ్వ‌క్సేన్ వ‌రుస సినిమాల‌తో దూసుకెళ్తున్నాడు. క‌మ‌ర్షియ‌ల్ సినిమాల‌తో పాటూ కాన్సెప్ట్ ఓరియెంటెడ్ సినిమాలు చేస్తూ అద‌ర‌గొడుతున్నాడు విశ్వ‌క్. ఈ ఏడాదిలో ఇప్ప‌టికే గామి సినిమాతో మంచి హిట్ అందుకున్న విశ్వ‌క్ ఇప్పుడు గ్యాంగ్స్ ఆఫ్ గోదావ‌రి సినిమాతో ప్రేక్ష‌కుల ముందుకు రానున్నాడు.
రీసెంట్ గా రిలీజైన ట్రైలర్ తో సినిమాపై అంచ‌నాలు బాగా పెరిగాయి. విశ్వ‌క్, ఎన్టీఆర్ కు పెద్ద ఫ్యాన్ అన్న విష‌యం తెలిసిందే. ఎన్టీఆర్ సినిమా వ‌స్తుందంటే విశ్వ‌క్ చేసే హడివిడి అంతా ఇంతా కాదు. అప్ప‌ట్లో ఎన్టీఆర్ క‌లిసి విశ్వ‌క్ ఫోటోలు దిగి వాటిని నెట్టింట షేర్ చేసి హ‌ల్ చ‌ల్ చేశాడు. తాజాగా ఎన్టీఆర్ నా అల్లుడు ని రీమేక్ చేస్తాన‌న్నాడు విశ్వ‌క్.
ఇప్పుడు ఓ ఇంట‌ర్వ్యూలో తార‌క్ అప్ క‌మింగ్ సినిమాలో న‌టించాల‌నున్న‌ట్లు త‌న మ‌న‌సులోని మాట‌ల‌ను బ‌య‌ట‌పెట్టాడు విశ్వ‌క్. ఎన్టీఆర్- నీల్ కాంబోలో తెర‌కెక్క‌నున్న ప్రాజెక్ట్ లో ఛాన్స్ వ‌స్తే క‌చ్ఛితంగా న‌టిస్తాన‌ని విశ్వ‌క్ చెప్పాడు. తార‌క్, విశ్వ‌క్ మ‌ధ్య ఉన్న బాండింగ్ వ‌ల్ల ఈ ఛాన్స్ రావ‌డం పెద్ద క‌ష్ట‌మేమీ కాదు కానీ మ‌రి విశ్వ‌క్ కు ఎన్టీఆర్ ఆ ఛాన్స్ ఇస్తాడో లేదో చూడాలి.
