రేటు పెంచిన టిల్లూ

డీజే టిల్లు సినిమాతో ఓవ‌ర్ నైట్ స్టార్ అయిపోయాడు స్టార్ బాయ్ సిద్దు జొన్న‌ల‌గ‌డ్డ‌. ఆ సినిమా త‌ర్వాత సిద్దుపై ఆఫ‌ర్ల వ‌ర్షం కురిసింది. ఆఫ‌ర్లొస్తున్నాయి క‌దా అని సిద్దు తొంద‌ర‌ప‌డ‌కుండా ఆచితూచి వ్య‌వ‌హ‌రిస్తున్నాడు. రీసెంట్ గా టిల్లూ స్వ్కేర్ సినిమాతో ప్రేక్ష‌కుల ముందుకొచ్చిన సిద్దు ఆ సినిమాతో రూ.100 కోట్ల మార్కెట్ ను అందుకున్నాడు. https://cinemaabazar.com/

యూత్ లో మంచి ఫాలోయింగ్, క్రేజ్ పెర‌గ‌డంతో ఇప్పుడు సిద్దు రెమ్యూన‌రేష‌న్ పెంచేశాడు. ఇండ‌స్ట్రీ వ‌ర్గాల్లో వినిపిస్తున్న టాక్ ప్రకారం సిద్దు అప్పుడే రౌడీ హీరో విజ‌య్ దేవ‌ర‌కొండ రెమ్యూన‌రేష‌న్ ను క్రాస్ చేసిన‌ట్లు తెలుస్తోంది. విజ‌య్ ఖుషి సినిమాకు రూ.12 కోట్లు, ఫ్యామిలీ స్టార్ కోసం రూ.15 కోట్లు ఛార్జ్ చేసిన‌ట్లు ఆ సినిమాల టైమ్ లో వార్త‌లొచ్చిన విష‌యం తెలిసిందే. https://cinemaabazar.com/

ఇప్పుడు సిద్దు టిల్లు క్యూబ్ తో పాటూ కొత్త‌గా క‌మిట్ అవ‌బోతున్న సినిమాల‌కు ఏకంగా రూ.15 కోట్లు కోట్ చేస్తున్నాడ‌ట‌. జాక్, తెలుసు క‌దా సినిమాలు కూడా హిట్ అయితే సిద్దు ఇదే ఏడాది రూ.20 కోట్ల‌కు త‌న రెమ్యూన‌రేష‌న్‌ను పెంచినా ఆశ్చ‌ర్య‌పోన‌క్క‌ర్లేద‌ని సినీ వ‌ర్గాలంటున్నాయి. రెమ్యూన‌రేష‌న్ పెంచిన‌ప్ప‌టికీ సిద్దు వెంట స్టార్ ప్రొడ్యూస‌ర్లంతా క్యూ క‌డుతున్నారంటే అత‌ని క్రేజ్ అర్థం చేసుకోవ‌చ్చు. అన్ని వ‌ర్గాల ఆడియ‌న్స్ ను ఆక‌ట్టుకునేలా టిల్లు క్యూబ్ ఉంటే సిద్దు క్రేజ్ ట్రిపుల్ అవ‌డం ఖాయం.