కియారా అద్వానీ అద్భుత సౌందర్యరాశి. దానికి తగ్గట్టే సున్నితమైన పాత్రలు చేస్తూ దేశవ్యాప్తంగా అభిమానులను సొంతం చేసుకున్నది కియారా. ప్రస్తుతం ఆమె కెరీర్‌లో ఇప్పటివరకూ చేయని భిన్నమైన పాత్రను చేసే పనిలో ఉన్నది ఈ అందాలభామ. వివరాల్లోకెళ్తే.. ప్రస్తుతం ఆమె నటిస్తున్న చిత్రాల్లో ప్రతిష్టాత్మక చిత్రంగా ‘డాన్‌3’ని చెప్పుకోవాలి. ‘డాన్‌’ ఫ్రాంచైజ్‌లో ఇప్పుడు కియారా కూడా భాగమయ్యారు. ప్రియాంక చోప్రా బాధ్యతను ఈసారికి కియారా తీసుకున్నారని చెప్పొచ్చు. ఇందులో కథానాయకుడిగా రణ్‌బీర్‌సింగ్‌ నటిస్తున్న విషయం తెలిసిందే. https://cinemaabazar.com/
వచ్చే ఏడాది ఈ చిత్రం విడుదల కానుంది. ఇదిలావుంటే రీసెంట్‌గా ఈ సినిమాలోని తన పాత్ర గురించి మీడియాతో మాట్లాడింది కియారా. ‘నా కెరీర్‌లో ప్రత్యేకమైన సినిమా ‘డాన్‌ 3’. తొలిసారి ఈ సినిమాకోసం యాక్షన్‌ సీన్స్‌లో నటించాను. ఈ కేరక్టర్‌కోసం యాక్షన్‌ కొరియోగ్రాఫర్‌ దగ్గరకెళ్లి ప్రత్యేకంగా శిక్షణ తీసుకున్నాను. ప్రాణాలకు తెగించి ఆ సీన్స్‌లో నటించాను. ఇంకా చేయాల్సిన సీన్స్‌ చాలా ఉన్నాయి. ఇందులో నా పాత్ర పేరు రోమా. ఈ పాత్రలో కొత్త కియారాను చూస్తారు. థియేటర్‌లో ప్రేక్షకులతో కలిసి ఈ సినిమా చూడాలని ఉంది’ అని ఆనందం వ్యక్తం చేసింది కియారా అద్వానీ.
