అగ్రరాజ్యం అమెరికాలో మళ్లీ కాల్పుల ఘటన జరిగింది. కొన్ని రోజుల క్రితమే కాల్పుల ఘటన జరిగింది. మళ్లీ ఇప్పుడు మిసిసిపీ లోని టేట్ కౌంటీలో ఓ నిందితుడు వేర్వేరు చోట్ల కాల్పులు జరిపాడు. దీంతో ఆరుగురు అక్కడికక్కడే మరణించారు. 3 తుపాకీలతో నిందితుడు రెండు ఇళ్లతో పాటు ఓ స్టోర్ లో కూడా కాల్పులు జరిపాడు. ఈ ఘటనలో నిందితుడ్ని పోలీసులు అరెస్ట్ చేశారు. అలాగే ఈ ఘటనతో ప్రమేయం వున్న వారిని కూడా గుర్తించే పనిలో వున్నారు.
కాగా.. కొద్ది రోజుల క్రితం ఈస్ట్‌ లాన్సింగ్‌లోని మిచిగాన్‌ స్టేట్‌ యూనివర్సిటీలో ఓ దుండగుడు విచక్షణా రహితంగా కాల్పులు జరిపాడు. ఈ కాల్పల్లో ముగ్గురు మృతి చెందారు. ఒక్కసారిగా భయాందోళనకు గురైన స్టూడెంట్స్, విద్యార్థులు, సిబ్బంది వెంటనే తరగతి గదుల్లోకి పారిపోయారు. కాల్పుల్లో మరో పది మంది వరకు గాయపడ్డారు. గాయపడ్డ వారిని ఆసుపత్రికి తరలించి చికిత్స అందించారు. ఈ ఘటనపై కేసు నమోదు చేసుకున్న పోలీసులు..నిందితుడి కోసం గాలిస్తున్నారు.
