దాదాపు 10 సంవత్సరాల తర్వాత క్యూట్ హీరోయిన్ మీరా జాస్మిన్ తిరిగి ఇండస్ట్రీలోకి ఎంట్రీ ఇస్తోంది. భద్ర, గుండుబా శంకర్, పందెంకోడి లాంటి చిత్రాల్లో ఆకట్టుకుంది మీరా జాస్మిన్. పెళ్లి అయిన తర్వాత ఆమె కనిపించకుండా పోయారు. దాదాపు 10 సంవత్సరాల తర్వాత… ‘విమానం’ అనే సినిమాతో రీ ఎంట్రీ ఇస్తోంది. తెలుగు, తమిళ భాషల్లో రూపొందుతున్న ఈ చిత్రాన్ని జీ స్టూడియోస్‌‌‌‌తో కలిసి కిరణ్ కొర్రపాటి క్రియేటివ్ స్టూడియోస్‌ సంస్థ నిర్మిస్తోంది.
బుధవారం మీరా జాస్మిన్ పుట్టినరోజు సందర్భంగా విషెస్ చెబుతూ ఓ పోస్టర్‌‌‌‌‌‌‌‌ను విడుదల చేశారు. కొన్ని రోజుల క్రితం మీరా జాస్మిన్ తన పాత్రకు డబ్బింగ్ చెప్పుకొంటున్న ఫొటోను అభిమానులతో పంచుకున్నారు. అప్పటి నుంచి అభిమానులందరు ఆమె ఏ సినిమా చేస్తుందా అని ఎదురు చూస్తున్నారు. ఆ ఎదురు చూపులకు తెర దించుతూ తాజాగా ఆమె నటించే సినిమా పేరు బయటికి వచ్చింది. మీరా జాస్మిన్ ‘విమానం’ అనే చిత్రంలో నటిస్తున్నారు.
