ఇండియన్ ఇన్నోవేషన్ ఇండెక్స్లో తెలంగాణ రెండో స్థానంలో ఉన్నదని, తెలంగాణ వేగంగా అభివృద్ధి చెందుతున్నదని మంత్రి కె. తారక రామారావు అన్నారు. శంషాబాద్ విమానాశ్రయంలో అమెజాన్ ఎయిర్కార్గో విమానమైన ప్రైమ్ ఎయిర్ను మంత్రి కేటీఆర్ ప్రారంభించారు. ఈ సందర్భంగా ఆయన మాట్లాడారు. అమెజాన్ అతిపెద్ద క్యాంపస్ హైదరాబాద్లోనే ఉందని చెప్పారు. అమెజాన్ వెబ్ సర్వీసెస్ ద్వారా రూ.36,300 కోట్ల పెట్టుబడులు పెడుతున్నదని చెప్పారు. అమెజాన్ బృందాన్ని అభినందించారు. ఏవియేషన్ రంగంలో తెలంగాణ వేగంగా అభివృద్ధి చెందుతున్నదని వెల్లడించారు.
హైదరాబాద్ విమానాశ్రయం ప్రపంచంలోనే అత్యుత్తమ ఎయిర్పోర్ట్ అని చెప్పారు. హైదరాబాద్ గ్రీన్సిటీ అవార్డును సొంతం చేసుకున్నదని తెలిపారు. అమెజాన్ ప్రైమ్ ఎయిర్ సర్వీస్ లో భాగంగా వస్తువుల్ని త్వరగా డెలివరీ చేయడానికి కార్గో విమానాలను ఉపయోగించనున్నారు. ప్రైమ్ ఎయిర్ సర్వీసులు అందుబాటులోకి రావడంతో ముంబై, బెంగళూరు, హైదరాబాద్, ఢిల్లీ సిటీల్లో వస్తువులు త్వరగా డెలివరీ చేసే వెసలుబాటు కలుగుతుంది. ఇందుకు బోయింగ్ 737 – 800 విమానాలు ఉపయోగించనున్నారు.
Minister @KTRTRS launched @amazonIN's 'Amazon Air', in Hyderabad today.
Amazon is the 1st e-commerce company in India to launch the dedicated air cargo network.
It chose #TriumphantTelangana to launch Amazon Air outside North America and Europe. pic.twitter.com/V5LhiNQhzy
— Minister for IT, Industries, MA & UD, Telangana (@MinisterKTR) January 23, 2023
