వారణాసి క్రియేషన్స్ పతాకం పై చైతన్య రావు, అలెగ్జాండర్ సాల్నికోవ్ , ప్రియా పాల్వాయి, కేటలిన్ గౌడ ముఖ్య తారాగణం తో ముని కృష్ణ దర్శకత్వం లో కె పి లోకనాథ్, దొరడ్ల బాలాజీ మరియు శ్రీధర్ వారణాసి సంయుక్తంగా నిర్మించిన చిత్రం “ఏ జర్నీ టు కాశీ”. ఈ చిత్రం జనవరి 6 న విడుదల అవుతున్న సందర్భంగా చిత్ర యూనిట్ సభ్యులు ప్రీ రిలీజ్ ఈవెంట్ ను జరుపుకున్నారు. ఈ కార్యక్రమానికి చిత్ర యూనిట్ సభ్యులతో పటు ప్రముఖ దర్శకుడు శేఖర్ సూరి ముఖ్య అతిధిగా విచ్చేశారు. ‘ఈ సినిమా ట్రైలర్ చూశాను బాగుంది.కాశీ తో నాకు మంచి అనుబంధం ఉంది. 2014 లో షూటింగ్ కోసం నేను కాశీ లో 60 రోజులు ఉన్నాను. ట్రైలర్ చూసాను, చాలా బాగుంది, దర్శకుడి ఉద్దేశం అద్భుతంగా ఉంది అనిపించింది. నేటి కాలంలో మన సనాతన ధర్మాన్ని మనం కాపాడుకోవాలి. శుద్ధోసి బుద్ధోసి పాట చాలా అద్భుతంగా ఉంది. ఇలాంటి మంచి కథ తీసిన దర్శకుడు మరియు నిర్మాతలకి నా కృతఙ్ఞతలు. ప్రేక్షకులు ఇలాంటి సినిమాలు చూడాలి. జనవరి 6న విడుదల అవుతుంది. అందరు తప్పకుండా చుడండి” అని తెలిపారు.
దొరడ్ల బాలాజీ గారు మాట్లాడుతూ “మా చిత్రం జనవరి 6 న విడుదల అవుతుంది. మంచి చిత్రం తో మీ ముందుకు వస్తున్నాం. అందరు చుడండి మరియు మా చిత్రాన్ని హిట్ చేయండి” అని కోరుకున్నారు. శుద్ధోసి బుద్ధోసి పాట పడిన సింగర్ గోమతి అయ్యర్ మాట్లాడుతూ “శుద్ధోసి బుద్ధోసి పాట పాడటానికి నాకు అవకాశం ఇచ్చిన సంగీత దర్శకుడు ఫణి కళ్యాణ్ గారికి మరియు చిత్ర యూనిట్ సభ్యులకి నా కృతఙ్ఞతలు. ఈ చిత్రం మంచి హిట్ అవాలి” అని కోరుకున్నారు.
