తెలుగు జర్నలిజంలో పాత్రికేయుల గురించి, సంపాదకుల గురించి, తెలుగు పాత్రికేయత గురించి చెప్పమంటే ఠక్కున కావాల్సినంత సమాచారం వచ్చేస్తోంది. ఈ మధ్య సమాచారం మరింత పెరిగిపోయింది. అయితే.. తెలుగు పాత్రికేయ రంగంలో సినిమా పాత్రికేయత గురించి, పాత్రికేయుల గురించిన సమాచారం అంతగా ప్రాచుర్యంలో లేదు. వున్నా… ఒక్క చోట పోగు చేసి లేదు. ఇప్పుడు ఈ లోటును తెలుగు సినిమా పాత్రికేయులు వినాయకరావు లోటును తీర్చారు. తెలుగు సినిమా పాత్రికేయ చరిత్ర పేరుతో ఓ పుస్తకం రాశారు. ఎన్నో అడ్డంకులు, అవరోధాలను అధిగమించి, రచయిత ఈ పుస్తకాన్ని తెస్తున్నారు. తెలుగు సినిమా జర్నలిజం యాత్ర, దాని విశేషంగా పనిచేసి వారి పూర్తి సమాచారంతో కూడిన ఒక్క పుస్తకం కూడా ఇప్పటి వరకు రాలేదన్న బాధతోనే ఈ పుస్తకం రాశానని రచయిత ప్రకటించారు. ఇలా పాత్రికేయ జర్నలిస్టులందరి సమాచారం, తెలుగు పాత్రికేయత చరిత్రను ఒక్క చోట పోగు చేసి, పుస్తకం తేవడం ఇండియాలో ఇదే ప్రథమ ప్రయత్నం. ఇంతటి విశేష కృషి చేసిన రచయిత వినాయకరావు అభినందనీయులు.
