కాంతారా రికార్డు కలెక్షన్స్ సౌత్ ఇండియా హీరోలని ఆశ్చర్య చకితులను చేస్తోంది! కేవలం రూ.15 కోట్ల బడ్జెట్తో రూపొందిన ఈ మూవీ ఇప్పటికే రూ.350 కోట్లకి పైగా వసూళ్లని రాబట్టింది. ఒక్క తెలుగులోనే…? కాంతార సినిమా రూ.65 కోట్లని కలెక్ట్ చేసి రికార్డుల మోత ఇంకా కొనసాగుతోంది. సెప్టెంబరు 30న కర్ణాటకలో కన్నడ, రిలీజైన ఈ మూవీ హిట్ టాక్ని సొంతం చేసుకుని.. అక్టోబరులో తెలుగుతో పాటు హిందీ, మలయాళం భాషల్లోనూ విడుదలైంది. రిలీజైన అన్ని భాషల్లోనూ ఊహించని విధంగా కాంతార బ్లాక్ బాస్టర్ హిట్గా నిలిచి కలెక్షన్ల వర్షం కురిపిస్తోంది. ఎంతలా అంటే? ఒక్క తెలుగులోనే ఈ సినిమా ఏకంగా రూ.65కోట్లు కలెక్ట్ చేసినట్లు తెలుస్తోంది. కర్ణాటకలో ఇప్పటికే ఏకంగా కోటి మంది ఈ సినిమాని థియేటర్లలో చూశారు. అలానే ఆ రాష్ట్రంలో ఏకంగా రూ.175 కోట్లని ఈ మూవీ వసూలు చేసినట్లు ట్రేడ్ వర్గాలు చెప్తున్నాయి. తెలుగులో కలెక్షన్ల పరంగా చూసుకుంటే అత్యధికంగా వసూలు చేసిన డబ్బింగ్ సినిమా జాబితాలో కాంతార చేరిపోయింది. లెక్కల పరంగా చూసుకుంటే కేజీఎఫ్-2 మూవీ తెలుగులో రూ.185 కోట్లని కలెక్ట్ చేయగా.. ఆ తర్వాత సూపర్ స్టార్ రజనీకాంత్ నటించిన రొబో, రొబో 2.0 వరుసగా రూ.100 కోట్లు, రూ.72 కోట్లతో టాప్-3లో ఉన్నాయి. తాజాగా కాంతారా రూ.65 కోట్లతో నాలుగో స్థానంలో నిలిచింది. ఐదులో విక్రమ్ నటించిన ‘ఐ’ మూవీ రూ.57 కోట్లతో ఉంది. థియేటర్లలో ఇప్పటికీ సందడి చేస్తున్న కాంతార మూవీ చాలా చోట్ల 50 రోజుల్ని పూర్తి చేసుకుంది. ఓవరాల్గా ప్రపంచవ్యాప్తంగా ఇప్పటికే రూ.350 కోట్లని కలెక్ట్ చేసిన ఈ మూవీ వచ్చే వారం ఓటీటీలోకి రాబోతోంది. అమెజాన్ ప్రైమ్లో నవంబరు 24 నుంచి కాంతార స్ట్రీమింగ్ అవనుంది. కాంతార కలెక్షన్లని చూస్తున్న సౌత్ ఇండియన్ హీరోలు నివ్వెరపోతున్నారు. ఓ చిన్న సినిమా.. అది కూడా అప్పటి వరకు కన్నడలో తప్ప సౌత్లో ఎవరికీ తెలియని హీరో కమ్ దర్శకుడు రిషబ్ శెట్టి నటించిన ఈ మూవీ ఇంత పెద్ద హిట్ అవుతుందని ఎవరూ ఊహించలేదు.
