పెద్ద అంబర్ పేటలో రేవ్ పార్టీ చేసుకుంటున్న 37 మంది ఇంజినీరింగ్ విద్యార్థులపై హయత్ నగర్ పోలీసులు కేసులు నమోదు చేశారు. ఈ 37 మందిలో నలుగురు యువతులు కూడా వున్నారు. ఓ ఇంజినీరింగ్ విద్యార్థి తన పుట్టిన రోజు సందర్భంగా పెద్ద అంబర్ పేటలో వుండే ఫాం హౌజ్ లో రేవ్ పార్టీ ఏర్పాటు చేశాడు. అందులో గంజాయి సేవించడం, మాదక ద్రవ్యాలను తీసుకోవడం, భారీగా డీజేలతో నానా హంగామా చేశారు. ఈ విషయం తెలుసుకున్న పోలీసులు… వారందర్నీ అదుపులోకి తీసుకున్నారు. ఆరుగురిపై మాదక ద్రవ్యాల నియంత్రణ చట్టం, మిగిలిన వారిపై న్యూసెన్స్ కేసులను పోలీసులు నమోదు చేశారు. అంతేకాకుండా ఈ విద్యార్థులకు మాదక ద్రవ్యాలు, గంజాయి సరఫరా చేసిన వారిని పోలీసులు అరెస్ట్ చేశారు.