చరణ్ సరసన హీరోయిన్‌ను బుచ్చిబాబు ఫిక్స్ చేశారట. ప్రముఖ బాలీవుడ్ నటి రవీనా టాండన్ కూతురు రాషా తడానీని చరణ్ సరసన ఖరారు చేశారని టాక్. ఇదే నిజమైతే ఈ సినిమా ద్వారా ఆమె టాలీవుడ్‌కు పరిచయమవుతారు. అతిలోక సుందరి శ్రీదేవి కూతురు జాన్వీ కపూర్‌ను జూనియర్ ఎన్టీఆర్ ‘దేవర’ సినిమాతో టాలీవుడ్‌కు పరిచయం చేస్తున్న సంగతి తెలిసిందే. ఒకవేళ రాషా తడానీ కన్ఫర్మ్ అయితే.. మరో స్టార్ హీరోయిన్ కూతురును రామ్ చరణ్ పరిచయం చేస్తారన్నమాట.అయితే, రామ్ చరణ్ సరసన రాషా తడాని కన్ఫర్మ్ అనే వాదన గట్టిగా వినిపిస్తోంది. దీనికి కారణం రాషా తడాని గురువారం హైదరాబాద్ రావడమే. తల్లి రవీనా టాండన్‌తో కలిసి ఆమె హైదరాబాద్ వచ్చారు. వీరిద్దరూ కలిసి ముంబై ఎయిర్‌పోర్టులో మీడియా కంటపడ్డారు. లుక్ టెస్ట్ కోసమే రాషా తడాని హైదరాబాద్ వచ్చారని ఇప్పుడు ఇండస్ట్రీ వర్గాల టాక్. చూద్దాం మరి బుచ్చిమాయ (అనసూయ భరద్వాజ్ బుచ్చిబాబును ముద్దుగా బుచ్చిమాయ అని పిలుస్తుంటారు) రాషా తడానీని ఫైనల్ చేశారో.. లేదంటే మరో హీరోయిన్ కోసం వేటాడుతున్నారో!
