దర్శక ధీరుడు రాజమౌళి ఖాతాలో మరో ప్రతిష్ఠాత్మక అవార్డు వచ్చి చేరింది. న్యూయార్క్ ఫిల్మ్ క్రిటిక్స్ సర్కిల్ జక్కన్నకు బెస్ట్ డైరెక్టర్ గా ప్రకటించింది. అమెరికాలో లేటెస్ట్ గా నిర్వహించిన అవార్డుల ప్రదానోత్సవంలో ‘ఆర్‌ఆర్‌ఆర్‌’ మూవీకిగానూ రాజమౌళి బెస్ట్ డైరెక్టర్ అవార్డ్ దక్కింది. హాలీవుడ్ డైరెక్టర్ లతో సైతం పోటీ పడి రాజమౌళి ఈ అవార్డ్ అందుకున్నారు. 1935 నుంచి న్యూయార్క్ ఫిల్మ్ క్రిటిక్స్ సర్కిల్ ఈ అవార్డ్స్ ఇస్తుంది. న్యూస్ పేపర్స్, మ్యాగజైన్స్, ఆన్‌లైన్ పబ్లికేషన్స్ కు సంబంధించిన సభ్యులు ఒక బృందంగా ఏర్పడి ఈ అవార్డ్స్ ఇస్తున్నారు. ఆర్ ఆర్ ఆర్ సినిమాలు సంచనాలు నెలకొల్పింది. ఇండియన్ బాక్సాఫీస్ దగ్గర 1200 కోట్లను రాబట్టిన సినిమా ఇదీ. విదేశాల్లోనూ సునామీ రేపింది.
