టిల్లు స్వ్కేర్ సినిమాతో బ్లాక్ బ‌స్ట‌ర్ అందుకున్నాడు స్టార్ బాయ్ సిద్దు జొన్న‌ల‌గ‌డ్డ. డీజే టిల్లు త‌ర్వాత చాలా గ్యాప్ తీసుకున్న సిద్దూ ఇక‌పై కెరీర్లో గ్యాప్ రానీయ‌కుండా చూసుకుంటున్నాడు. ప్ర‌స్తుతం సిద్దూ చేతిలో మూడు నాలుగు సినిమాలుండ‌గా, మరికొన్ని డిస్క‌ష‌న్స్ స్టేజ్ లో ఉన్నాయి. ఇదిలా ఉంటే సిద్దూ, నీర‌జ కోన ద‌ర్శ‌క‌త్వంలో సినిమా చేయ‌నున్న విష‌యం తెలిసిందే. పీపుల్ మీడియా ఫ్యాక్ట‌రీ నిర్మించ‌నున్న ఈ సినిమాతో నీర‌జ కోన డైరెక్ట‌ర్ గా ఎంట్రీ ఇవ్వ‌నుంది. తెలుసు క‌దా అనే టైటిల్ తో తెర‌కెక్క‌నున్న ఈ సినిమాలో రాశీ ఖ‌న్నా హీరోయిన్ గా న‌టిస్తోంది. మామూలుగా సిద్దు త‌న సినిమా క‌థ‌ల విష‌యంలో ఎన్నో జాగ్ర‌త్త‌లు తీసుకుంటూ ఉంటాడు. కానీ నీర‌జ చెప్పిన క‌థ బాగా న‌చ్చ‌డంతో వెంట‌నే ఆలోచించ‌కుండా ఓకే చెప్పాడ‌ని తెలుస్తోంది.
మంచి అంచ‌నాల‌తో వ‌స్తున్న ఈ సినిమాకు సంబంధించిన ప్రీ ప్రొడ‌క్ష‌న్ వ‌ర్క్ ను వేగ‌వంతం చేసింది నీర‌జ. తాజా స‌మాచారం ప్ర‌కారం ఈ సినిమా మ‌రో రెండు లేదా మూడు వారాల్లోపే అంటే ఆగ‌స్టులో సినిమా షూటింగ్ మొద‌లుకానున్న‌ట్లు తెలుస్తోంది. త‌న‌కున్న క‌మిట్‌మెంట్స్ నేప‌థ్యంలో ఈ సినిమాను చాలా ఫాస్ట్ గా పూర్తి చేయాల‌ని చూస్తున్నాడ‌ట సిద్దూ. అనుకున్న‌ది అనుకున్న‌ట్లు జ‌రిగితే నెక్ట్స్ ఇయ‌ర్ స‌మ్మ‌ర్ కు తెలుసు క‌దా రిలీజ్ అయ్యే ఛాన్సుంది.
